平时食放题都係得两粒钟,赶头赶命!今次旺角呢间新开嘅日式放题餐厅,俾你食足3粒钟,闲日最平都只不过喺$228,仲有铁板烧同自助甜品区,睇落唔错喎,即刻去片!

刺身2分钟上枱 虾肉超霉一食即吐

呢间放题其实分咗好多个入座时段,3小时任食放题要由5:30入座,食到8:30,闲日最平都喺$228,价钱同坊间差唔多!一入座,店员已经通知我哋今日无吞拿鱼,饮品、甜品可以出去自助区自己拎。

落单同平时放题一样都係剔纸仔,一共有两本落单簿仔,一本喺写刺身、寿司同卷物,另一本落铁板烧、炸物等。落单嗰阵,店员已经话佢哋上菜会好快手,所以可以边落边等。果然落咗单后,大约两分钟刺身就已经上枱!真心劲快手,而且执啱数,抵讚。

不过呢,除咗三文鱼厚切又新鲜外,其他味道就认真……超麻麻!将本身已经唔係厚的带子开边,薄到无晒口感;章红鱼刺身口感似香口胶,咬极都唔断;甜虾同赤虾食落只有微微虾味,而且肉质完全唔ok,越食越霉,吞都吞唔落,即刻吐返出嚟。

【自助餐放蛇起底组】MK日式放题  3小时有铁板烧食
刺身落完单后两分钟就上枱,超快手!
【自助餐放蛇起底组】MK日式放题  3小时有铁板烧食
带子欲断唔断……

呢度除咗正常寿司外,仲有好多好有创意嘅mix & match寿司,例如有黑松露牡丹虾同泰式生虾寿司,好新奇!黑松露牡丹虾一食落超浓黑松露味爆出嚟,虾肉正常,而且寿司饭够细,食几应该都唔会太饱肚。另外泰式生虾太有趣了,味道同真嘅泰式生虾一样,只虾唔霉,可以一试。

【自助餐放蛇起底组】MK日式放题  3小时有铁板烧食
黑松露牡丹虾唔错,黑松露味好浓,虾肉终于正常返!
【自助餐放蛇起底组】MK日式放题  3小时有铁板烧食
泰式生虾寿司好新颖!同真嘅生虾无咩分别,可以一试

另外仲有一啲创作寿司,都係将啲鱼类、海鲜类嘅食材mix & match,御寿司喺芒果+甜虾+蟹籽,一食落口有好清新嘅芒果味,但芒果味过后就食到霉虾味……软壳蟹手卷睇图觉得软壳蟹爆出嚟,好兴奋忍唔住即刻叫一个试下,点知现实总是残酷的……软壳蟹短到…….得个半截脚仔……食落好香脆……但应该要叫十份先满足啰。

【自助餐放蛇起底组】MK日式放题  3小时有铁板烧食
御寿司临门一脚,店员坐低嗰阵就散咗lu。
【自助餐放蛇起底组】MK日式放题  3小时有铁板烧食
食落好大阵芒果味,好清新,但芒果味散去咗之后就剩返霉虾味,so sad!
【自助餐放蛇起底组】MK日式放题  3小时有铁板烧食
软壳蟹手卷睇图就好兴奋,实物就……
【自助餐放蛇起底组】MK日式放题  3小时有铁板烧食
软壳蟹得个半截脚仔,哈哈哈哈哈!

炸物锅物出色 铁板烧冻冰冰

放题唔少得嘅炸物,唔错唔错,全部热辣辣,芝麻鸡翼超香口,好食!自家製吉列炸蚝都得过,一入口蚝汁即标出嚟,估佢唔到!紫心香芋球有啲淡味,但都炸得脆卜卜,过关啦!但最惊喜都喺个榴槤炸弹,榴槤馅超饱满,一咬即刻感受到嗰种臭味!好正!

另外锅物都正正常常,最估唔到呢度有鸡煲食!鸡件都几大件,唔韧,入口少少辣,但麻度十足,可以一试。

【自助餐放蛇起底组】MK日式放题  3小时有铁板烧食
芝麻鸡翼超香口,自家製吉列蚝咬落好Juicy,必食!
【自助餐放蛇起底组】MK日式放题  3小时有铁板烧食
爱榴槤人士必食个炸弹!真喺好「臭」!
【自助餐放蛇起底组】MK日式放题  3小时有铁板烧食
鸡煲够晒麻,少少辣,OK!

最期待嘅铁板烧!但一上枱,点解咁颓嘅 卖相好求其,唔係好吸引,铁板大虾只虾无出事,但可以再弹牙啲,但个汁有啲好怪嘅酸味,令人无意欲再食第二只!铁板酱汁鱿鱼筒照旧都係颓,唔讲都知喺铁板出炉……食落都唔热嘅,好似放咗好耐先上枱咁,就算弹牙又有咩用喎!盐烧牛舌等咗半个钟先到,同埋我Order 2 份,嚟得1份,食落牛舌好软腍,好食,但唔想再等多半钟!

【自助餐放蛇起底组】MK日式放题  3小时有铁板烧食
铁板大虾嗰虾可以再弹牙啲就好啦!
【自助餐放蛇起底组】MK日式放题  3小时有铁板烧食
铁板酱汁鱿鱼筒都唔热,而且嗰样颓到呢……
【自助餐放蛇起底组】MK日式放题  3小时有铁板烧食
盐烧牛舌等咗半个钟先到,仲要执错件数!
【自助餐放蛇起底组】MK日式放题  3小时有铁板烧食
饮品任饮,都係汽水、乌龙茶等等。

自助甜品柜加分 1人1盒Mövenpick

甜品区係自助形式,有粟米羹、花生糊热食,仲有朱古力喷泉同泡芙任拎,仲有少少冷盘,有冻虾、菜同生果等。另一边仲有两大个甜品柜,可以细细件mousse cake同点心等。

【自助餐放蛇起底组】MK日式放题  3小时有铁板烧食
自助甜品区域,有粟米羹、花生糊等热食,仲有生果、冻虾少少冷盘。
【自助餐放蛇起底组】MK日式放题  3小时有铁板烧食
仲有朱古力喷泉同泡芙。
【自助餐放蛇起底组】MK日式放题  3小时有铁板烧食
另一边有甜品柜,有细细件mousse cake同点心仔可以拎。
【自助餐放蛇起底组】MK日式放题  3小时有铁板烧食
每样细细件,可以拎多几件食!朱古力mousse cake超浓味,一定要食!
【自助餐放蛇起底组】MK日式放题  3小时有铁板烧食
每人仲可以有1盒Mövenpick雪糕!

总结:甜品区+Mövenpick雪糕好吸引,炸物跟锅物不错,但刺身同铁板烧味道麻麻,真係有待改善,要扣分!虽然有半个钟头都係等嘢食到,但胜在有甜品自助区域,唔介意可以出去拎甜品医下肚先啰。但服务都唔错嘅,几乎一举单就俾店员抢走咗,好快手,环境都好多卡座,够阔落,而且平时日式放题食两个钟都同呢度差唔多价钱,呢度可以坐3粒钟,啱晒慢慢食嘅朋友!

总分:7/10

【自助餐放蛇起底组】MK日式放题  3小时有铁板烧食
平日都爆场!

【自助餐放蛇起底组】MK日式放题  3小时有铁板烧食

御满屋日本料理

地址: 旺角弥敦道655号1楼全层 (显示地图)

电话:3622 3336/3622 3338

$228晚市放题供应时间:

星期一至三:5:30pm-8:30pm

收费: 成人:$228,小童:$148

备注:收加一